KAMA HUNA TABIA HIZI, SAHAU KABISA KUHUSU NDOA

Wanaume wengi wanapofikia hatua ya kuoa si kwamba wanakurupuka tu na kuoa mwanamke yeyote mwenye sura nzuri, bali huchukua muda wao mwingi kuchunguza mambo mengi juu ya wake ambao wanadhani kwamba wanaweza kuwa pamoja kwa kipindi chote cha maisha.

UNASUBIRI NINI? INSTALL APP YETU KWENYE SIMU YAKO ILI USIPITWE NA CHOCHOTE NA PIA USOME HABARI KIRAHISI. BONYEZA HAPA KUIPATA.

Wanawake wengi wanajisahau na kudhani kwamba kitu kinachoweza kuwafanya wakapata wachumba ni uzuri hivyo kupoteza muda wao kujichubua na kujiremba ili wawavutie wanaume bila kujua kwamba kuolewa ni zaidi ya uzuri.

Sasa basi, ni tabia gani mtu au haswa mabinti unapaswa kuwa nazo kama  kweli unaitaka ndoa? Prince Bewisa tunakujulisha hapa.

MWEYE MAPENZI YA KWELI

Lengo kubwa la mwanaume kuoa ni kutaka kupata mapenzi ya kweli kutoka kwa mwanamke na ikiwezekana waweze kupata watoto ambapo watoto ndio wamekuwa furaha ya ndoa.

Wapo wanawake wengine ambao wanonesha wazi kutokuwa na mapenzi ya kweli bali wanakuwa na mapenzi ya kuzuga. Wanachotaka wao aidha kupata umaarufu tu kwamba yuko na mtu fulani ama kuweza kupata pesa alizonazo mwanaume lakini sio kwamba ana mapenzi ya dhati kutoka moyoni mwake.

UNASUBIRI NINI? INSTALL APP YETU KWENYE SIMU YAKO ILI USIPITWE NA CHOCHOTE NA PIA USOME HABARI KIRAHISI. BONYEZA HAPA KUIPATA.

WENYE TABIA NZURI

Tabia njema ndio silaha ya maisha, ukiwa na tabia nzuri kila mtu atakupenda, hiyo ni katika maisha ya kawaida. Lakini linapokuja suala na kuoa, tabia inakuwa kitu cha awali sana kungaliwa na hiyo inaweza kuwa na ukweli kwa sababu wapo wasichana wazuri wenye mvuto wa aina yake na maumbile mazuri, lakini wanakosa wanaume wa kuwaoa, ukiuliza kwanini - utaambiwa  ana tabia mbaya.

WENYE UCHU NA MAENDELEO

Hivi karibuni kumekuwepo na mabadiliko ya aina yake kwa wanaume, wengi sasa hivi hawapendi kabisa kuoa mwanamke ambaye hana kazi yaani ‘golikipa’. Kama atakuwa hana kazi basi awe na uchu wa maendeleo kwa kujituma kufanya kazi mbalimbali za kimaendeleo kama vile kilimo kwa wale walio vijijini na biashara ndogondogo kwa wale ambao wako mijini na hata vijijini.

UNASUBIRI NINI? INSTALL APP YETU KWENYE SIMU YAKO ILI USIPITWE NA CHOCHOTE NA PIA USOME HABARI KIRAHISI. BONYEZA HAPA KUIPATA.

WASIOPENDA MAKUU

Kuna  wanawake wengine wanakuwa na tabia za ajabu sana kiasi kwamba yaweza kuwa kero kwa wanaume. Wapo wanawake ambao wanapenda makuu bila kujali hali halisi ilivyo. Kuna wanawake naweza kusema wana tamaa, kila wikiendi utamsikia “leo tunakwenda wapi dear?”  Akimuona rafiki yake kanunua simu ya laki tatu na yeye utamsikia akisema, ‘na mimi naomba uninunulie simu kama  ya Grace’.

Kama binti ama kijana unaitaka ndoa, ni sharti ujiandae wewe binafsi, ujiwekee mikakati yako ya kimaendeleo mapema, na pia thamini ulichonacho kwa wakati ujao na wa sasa. Si vibaya, na itapendeza sana kama ukijifunza kwa watu waliokuvuka umri -  ambao wanafanya vizuri kwenye ndoa zao.